Байгалийн эрдэст усыг гүнээс олборлон савлах жижиг цехээс эхэлж, өдгөө экологийн цэвэр ундаа, шүүсний үйлдвэрлэлээр дотоодын зах зээлийн 20 гаруй хувийг эзэлсэн томоохон үйлдвэрлэгч болсон. Компани нь эрдэст ус, зэрлэг жимсний шүүс болон хийжүүлсэн ундааны исгэлт, савлагаа, түгээлтийн үйл ажиллагааг нэгдсэн системээр явуулдаг. Тэдний "Сэлбэ" брэндийн байгалийн цэвэр ус болон чацаргана, нэрсний органик өтгөрүүлсэн шүүс нь ямар нэгэн химийн консервантгүйгээр савлагддагаараа давуу талтай. Үйлдвэр нь Франц улсын "Sidel" брэндийн бүрэн автомат шугамыг суурилуулснаар цагт 24 мянган лонх бүтээгдэхүүн үйлдвэрлэх хүчин чадалтай болсон. Түүхий эд болох зэрлэг жимсийг орон нутгийн иргэдээс шууд худалдан авч, хөдөөгийн иргэдийн амжиргааг дэмжихэд бодитой хувь нэмэр оруулдаг.