Монголын галт уулын чулуу болох базальтыг 1500 хэмийн өндөр хэмд хайлуулан дулаан тусгаарлагч материал хийх үндэсний технологийн санаачилгаар эхэлж, өдгөө бүс нутагтаа тэргүүлэгч хүнд үйлдвэр болсон. Тэд базальт чулууг хайлуулах, эко-дулаан тусгаарлагч хөвөн гаргах болон барилгын материалын гүн боловсруулалтын чиглэлээр үйл ажиллагаа явуулдаг. Түүнчлэн барилгын галд тэсвэртэй базальт хөвөн, чулуун дулаалгын хавтан болон шугам хоолойн дулаалгыг дотооддоо үйлдвэрлэж байна. Энэхүү бүтээгдэхүүн нь гал дэмждэггүй, усанд нордоггүй бөгөөд ашиглалтын хугацаа нь 50 гаруй жил үргэлжилдэг маш өндөр чанартай материал юм. Компани нь барилгын салбарын импортын дулаалгын материалын 70 хувийг дангаар орлож, гадаад валютын урсгалыг дотооддоо үлдээхэд маш том хувь нэмэр оруулж байгаа билээ.