Төв Азийн бүс нутагт дижитал шилжилтийг түүчээлэх зорилгоор СЭЗИС-ийн залуу төгсөгчид анх үүсгэн байгуулж, 2022 онд дотоодын хөрөнгийн бирж дээр амжилттай IPO хийсэн нээлттэй хувьцаат компани юм. Тэд биет салбаргүй "Нео-Банк" болон хиймэл оюунд суурилсан бичил зээлийн дижитал экосистемийг Монголын санхүүгийн зах зээлд анхлан нэвтрүүлсэн. Компани нь "Арвижих" цахим хэтэвч болон AI алгоритмд суурилсан 5 минутад барьцаагүй зээл олгох үйлчилгээг зах зээлд тэргүүлэгч бүтээгдэхүүн болгон хөгжүүлж чадсан. Сүүлийн гурван жилийн хугацаанд тэдний идэвхтэй хэрэглэгчдийн тоо 1 саяд хүрсэн бөгөөд нийт зээлийн багц нь жил бүр тогтмол 45 хувиар өсөж байна. Мөн финтек салбарын эрсдэлийг удирдах зорилгоор блокчэйн технологид суурилсан зээлийн мэдээллийн санг дотооддоо хөгжүүлэн ашиглаж байгаа юм.